2021年8月3日 星期二

醉胡爐 - 炎夏又使乜驚喎!



食物:$$$
環境:$$$1/2
環境:$$$1/2 

三十五度的炎夏,最佳活動莫過於是打邊邊,對嗎?

去年邊爐家族一事,大家把吃火鍋視為高危活動,搞到唔少火鍋店頂唔住結業,認真冤枉。

我常說,打邊爐從來無分季節。那管是大熱天時,開恆冷氣,大大啖啤酒汽水,仍然可以很爽皮。

忽然一天,混醬成為了去滾的指定動作,呢度都唔例外,生蒜熟蒜,辣椒蔥花,芝麻醬辣醬,悉隨尊便。

遲了點到,朋友已柯打了湯底,係金湯雞翅花膠鍋。筆者早已不吃翅,但唔通見到個湯底就起身走咩?

魚翅素翅以外,仲有雞同花膠,甚至鮑魚,非常豐盛。留下魚翅給朋友品嚐就好。

等湯底滾起需要時間,先來份小食,黃金炸魚皮,邊吃邊等。平時食既魚皮都係捲曲起來的,直筆甩既出品,倒是首次見識,但以邪惡的咸蛋黃包括著,總是可口。

是夜,係食肉獸既天下。豬、羊、牛,同埋牛丸俱備,關鍵是,四人當中,三個唔食牛,一人不吃羊的。

唔理咁多了,盡情地吃罷!看豚肉的油花大概可知其水準,牛肉是拼盤,有齊不同部位。牛舌芯薄切,仍不失爽脆口感;牛胸爽也是預期中的爽口;手切牛與牛頸脊之間,個人會較愛後者。

兩碟羊肉均是充滿個性,如果你是羊迷,大概會愛不釋手。

明明全枱得我一人吃牛,丸類卻不是四寶丸或者其他丸子,而是芝心牛丸。既然放到上桌,我就唔客氣了。水準可以的,至少丸子是手打,也做到芝心效果。

鮑魚我剛才嚐過,不再追吃了,由朋友來包辦就好。蟶子爽脆也鮮甜,我更感興趣。

吃點黑松露素餃,吞下幾條菜,毫無疑問是會飽到上心口。

四條友食咁多嘢,都幾瘋狂。


餐廳資料:
醉胡爐
尖沙咀柯士甸路20號保發商業大廈地舖
26062106


4 則留言: