2021年6月2日 星期三

Odelice! - Happy Friday!



食物:$$$1/2
環境:$$$1/2
服務:$$$1/2

收到舊同事短訊,話佢已搵到新工,六月頭On Board,想上工前約出來食餐飯聚一聚。

有得食,我無理由唔赴約喇,反正呢排我都好需要放鬆下。

週五的Odelice!,人氣超級旺盛,即使已經訂了枱,仍要等接近半小時才可入座。若然無預訂既話,明天請早。

一開波先來份牛油果蟹肉他他,是主角指明要吃的東西,絕對係健康之選。軟滑帶油香的牛油果,與絲絲蟹肉是天作之合,少少的辣椒粉,將味道提升至另一層次。蠻不錯的頭盤,但都頗為飽肚。

另外也點上了Beef Rossini。鵝肝放在厚到一個點的牛柳之上,伴以濃郁的汁醬,乃傳統的做法,端上桌時也是香氣四溢。雖然牛柳是超厚身,但火侯控制還好,唔會太韌,結合甘香的鵝肝,食肉獸既我大叫滿足,連旁邊的磨菇也吃得一粒不剩。若是胃納夠大的話,我會連薯茸也清掉,可惜食力實在太有限。

最後的蜆肉濶條麵也合格有餘,蜆肉鮮嫩無沙,更好是濶麵的口感,煙韌有嚼勁,是筆者喜歡的風格。

呷口醒胃又不太甜的Strawberry Basil Tea,風花雪月一番,開心可以好簡單。

可惜,轉眼間又是十點大限~


餐廳資料:
Odelice!
荃灣大河道100號海之戀商場1樓1002號舖
25202660



4 則留言: