Lion Rock - 有誰不愛?

食物：$$$$
環境：$$$$
服務：$$$$ 

疫情未完全退卻，想去酒吧食嘢飲嘢的話，必定要裝嘢，同埋打針，否則會被拒諸門外。

不宜打針，又仍然屬填紙仔一族的朋友，是否無晒選擇?

又未必，是晚筆者就同好友來到Lion Rock，這裡表面上是一間酒吧，實際上佢都係一家酒吧，只不過是拿取食肆牌照，並不受那政策管制。

率先來份海鮮拼盤，呢個拼盤好大份，仲會跟上一枝酒，要紅要白，甚或是 Sparkling都可以。吃海鮮，似乎是莎當妮最為匹配。

蟹腳鮮甜，海蝦爽彈，生蠔新鮮，估唔到連青口以及我最憎的翡翠螺都甜美不韌，呢個價錢仲要跟埋酒，交足功課有餘。

食到七七八八，其他食物也要上枱了，畢竟家陣仍是十點大限，唔可以過份慢慢歎。另點了晚餐，內容同是相當豐富，有齊刺身、餐湯、茶碗蒸，主食，同埋甜品。

雖說這裡是酒吧格局，但也不是首次供應日本嘢，所以刺身水準亦不失禮，油甘魚爽身，帶子甜美。餐湯可揀味噌湯或磨菇湯，個人會喜歡揀後者，夠濃郁。蒸蛋熱度十足，亦滑溜，反而面頭的一撮海膽有點累事。

主食之銀鱈魚西京燒，魚皮脆口，魚肉厚身仍保持嫩滑，銀鱈魚帶脂香也是預期之中，而且，還醃得入味，送飯一流。

伊勢海老雲丹燒也有水準，龍蝦肉爽口而不會韌得像吃口香糖，配以海膽既香，吃得滿意。

忘了影跟餐的甜品，同埋生日蛋糕，但也不重要吧，最緊要係過了愉快的一夜。

餐廳資料:
Lion Rock
旺角太子道西193號帝京酒店3樓
26226167