2021年4月13日 星期二

蓉玥 - 朋友是要見面的



食物:$$$1/2
環境:$$$$
服務:$$$1/2 

長假期,疫情稍為放緩,是時候約大家食飯,朋友是要見面的。

朋友們都是酒店人,自己食飯就當然唔會去他們工作的酒店,而是找間各位都有興趣既食肆,在幾個選擇之中,揀了中環的蓉玥,友人還主動地馬上打去留枱。

原來,中午無得訂位,不過大家也決定去碰碰運氣,若然真是滿座的話,附近亦有不少餐廳可作後備。

以假期而言,店子都算幾旺場,可幸我們仍能進佔最後一張四人桌。

甫坐下,店員即奉來餐前小食,切得幼細的沙律,新鮮爽脆,如果胡麻醬可放得慷慨些,會更理想。

來幾味頭盤,其中一款叫做自信口水雞,看來師傅對這味四川涼菜是充滿信心。賣相的確吸引,肉質嫩滑而雞皮爽口,結合紅油的鮮香辣勁,與及花生粒,合格有餘的出品,我無意去打擊師傅的自信。

口水雞不錯,但更好吃的是椒鹽杏香菇。大小一口過,炸得粒粒香脆不油,內裡的杏香菇爽身有汁,教人吃不停口的一款佐酒良品。

忽然想食紅油抄手,又來一客。廿八蚊有六粒,抵到無朋友。是肉餡細小的傳統包法,只是醬汁以醋酸為主調,不甚正宗。

一場來到,必然要嚐這裡的招牌酸菜魚。魚片是滑,卻有唔少刺,吃時要小心。再說酸湯,真的是酸辣俱備,但就唔係正宗川味,是為港人而設的酸辣。想吃薯粉、窩筍、魚腐、金針菇、雲耳等,統統可以自行追加。

甜品選擇唔少,不過大家都鍾情於傳統的四川口味,所以點了冰粉,以及糍粑。前者份量蠻大,好在只點一客大家分享。香甜細滑的冰粉,加入了花生碎及提子乾,層次更豐富。糍粑口感不會硬轟轟,沾上紅糖,夠地道。

難得聚頭,大家有傾有講,好不開心,期間出現的小插曲當然無損各位心情...

消滅完甜品,執齊嘢,我哋去飲咖啡~


餐廳資料:
蓉玥
中環九如坊6-10號地下C及D號舖
51137140


4 則留言:

  1. 無得訂位但都坐到最後一張四人枱,絕對係好嘅開始!好認同朋友係要見⋯⋯雖然呢刻唔知幾時再見。

    回覆刪除
  2. 椒鹽杏香菇最吸引!但原來區師傅已離開了。

    回覆刪除