2021年2月12日 星期五

Les Papilles - 小店,功架高



食物:$$$$
環境:$$$1/2
服務:$$$$ 

食肆林立的登籠街,有好幾間餐廳特別旺場,當中包括這家法式小店Les Papilles。

店子細細,其貌不揚,到底有何吸引力,連我呢位懂吃的朋友也大力推介呢?

熱呼呼的麵包奉上,我就知道原因了。好友大讚紫菜包,而我對蕃茄芝士包更有好感,其實兩者都很有水準,一向不多吃麵包的我也吞下了三件。

分甘同味是我的習慣,能多試幾款東西不是更好嗎? 頭盤,就柯打牛肉他他,與及三文魚。牛肉他他是『粗獷』版本,保留了一點咬口,而且又有肉香,不錯吃。

另一款的油浸三文魚,充滿煙燻香氣。都說過,個人麻麻地熟既三文魚,但油浸慢煮形式又唔同講法。這個做法,魚肉自然唔會過熟,入口保持細嫩,頂頭鋪滿魚子醬,那咸香的味道與三文魚又幾匹配。旁邊的牛油果青瓜沙律,正好清清味蕾。

主菜三款選擇,食肉獸朋友嚷著要食肉眼扒,正好我下懷。火侯控制恰到好處,肉質嫩滑,帶有脂香,香草牛油更令整件事生色不少。

帶子鍋飯是我的強烈推介,帶子鮮嫩不在話下,更讚是墊底的米飯,相信是用海鮮上湯煮,超有鮮味,最重要是有脆卜卜的飯焦,太有驚喜!

薯條又熱又香脆,好鬼吸引,原來是以鵝油炸,難怪。

朋友不好甜,兩款甜點我包辦了九成。金磚蛋糕釀入了車厘子,又放了杏仁,蛋糕本身軟熟可口。旁邊幾粒酒漬車厘茄,好重酒味。

朱古力撻賣相精美,甜度沒想像中的高,配合鬆脆的撻皮,又被我輕易清掉了。

跟餐有香濃咖啡,或紅茶。

只需加$88,就有紅白酒任飲,實在太超值了吧~


餐廳資料:
Les Papilles
銅鑼灣登龍街36-48號登輝大廈地下D2號舖
31142389



4 則留言: