Fabrice 嚐味: 友拉麵 - 治癒拉麵店

2021年2月9日星期二

一個人的快樂，可以好簡單，譬如說吃到碗似樣既拉麵。

此鋪之前做小籠包，由最初我覺得唔錯，到水準下滑至油麻地，及後更加是離晒譜，我覺得佢係時候被淘汰。

果然不出所料，店子沒多久便結業，之後有轉過做泰國船麵等，但也做不長。今天經過，已變成了友拉麵。

店內掛滿貓貓的照片，好可愛，看來店主是個貓奴。

幾款拉麵之中，對魚介拉麵最有興趣，貪心的我，再加客餃子，及汽水，豐富極了。

急不及待呷啖湯，真材實料，岩心水。麵條可揀直或曲麵，個人從來不是曲麵的粉絲，所以要直麵，吩咐有咁硬得咁硬。幼身的麵條爽口，我無揀錯。兩片叉燒嫩口不韌，經火炙過，多一份香氣。

許多地方只給半隻味玉，呢度俾足全隻，夠慷慨。最重要是做到流心，而且很香，味道濃郁，抵讚！

追加的煎餃子，似炸餃子多一些，但邊位脆口，味道也屬正常。

多少年沒喝過玉泉忌廉? 我也真說不出來。

荃灣多一個好既拉麵選擇，街坊既我當然開心！

2021年2月9日 星期二