Dreamland Cafe - 獨自發夢

食物：$$$1/2
環境：$$$1/2
服務：$$$$ 

一條友無事做，我會選擇去浦咖啡室，但必定避開那些人氣爆燈的店子，畢竟我覺得要靜靜地、慢慢嘆才是享受。門口萬幾人排隊等位，即使店主唔出聲，我都唔好意思再坐下去，可能我面皮唔夠厚。

因此，深水埗一帶雖有十幾間咖啡店，除非有朋友相約，否則我會留番個位俾啲文青去打卡。Slash、Kokoni Coffee及習作等，我統統沒到訪過。

反而，這天遇上麗新廣場地下的一家新店Dreamland Cafe，從窗外看入去，感覺不是太繁忙，便推門進去。

店子有意粉、意大利飯，甚至薄餅供應，平日的我，好可能已點上了卡邦尼意粉，不過是日卻想留肚吃些甜點，所以揀左食熱狗。

Cafe的出品，當然要比茶記來得細緻，如蕃茄切成粒，面頭灑少許香草作點綴等，賣相勝一籌。再者，熱狗的主角香腸，選用了較優質之法蘭克福腸，至少腸衣唔會韌韌的。配上千島醬，簡單而美味。

問及店員，Cake of the day係乳酸乳酪蛋糕，對於一向喜歡益力多既筆者而言是吸引的，即管來一件。

若然你愛益力多，大概就會喜歡呢件蛋糕，完。

呷著一杯醇香合意的Flat White，電話播住的那管是 『假使世界原來不像你預期』，抑或係『是但求其愛』，甚至是『My Only One』也沒所謂，我只想活在自己的世界裡。

暫時，忘卻外面的荒謬與煩憂。

餐廳資料:
Dreamland Cafe
長沙灣長沙灣道680號麗新商業中心地下G61號舖