食物：$$$1/2
環境：$$$$
服務：$$$$
二零二零絕對唔係好既一年，呢點我諗無乜人會反對。怎樣也好，聖誕始終是我最喜歡的節日，捱到去最後一個月，循例找個地方食餐自助餐應下節，之後希望衰到貼地的今年快快過去。
疫情嚴峻，酒店做足防疫措施。探熱搓手、出去取食物要戴上口罩係基本，想吃什麼只要向師傅指示一下，會有專人為你效勞。
恆常食物不長氣多講，主力介紹節日的特色食品吧！衛生關係，凍海鮮係按每枱人頭上，除龍蝦、海蝦、青口及翡翠螺等之外，仲加入了我喜愛的麵包蟹，拿起多羔的蟹蓋起勢咁食，暫時不要理會超唔超標。另外，青口都有驚喜。
因食力有限，有時會略過刺身壽司一欄，但今云就兩樣食齊。以往刺身都係三文魚、油甘魚、八爪魚等東西，節日特別加插了牡丹蝦，爽甜味鮮，成為亮點。
壽司方面，海膽軍艦是我的推介，大堆海膽放在飯糰之上，好足料，畢竟這也不是必然的項目，要試。
吃自助餐就豁出去，不要太多顧忌，最多之後食白粥平啫。入口溶化的鵝肝多士，面頭放了些蘋果蓉來中和膩滯點，吃兩件唔過份啦~
龍蝦西班牙海鮮飯，我嫌飯粒較濕和糊口了一點，主力進攻海鮮就好。
熱葷之中，炒龍蝦鉗、三色芝士焗龍蝦、咕嚕雞球，以及新加坡炒辣肉蟹會比較吸引，尤其是後者，係節日限定菜式。
三色芝士焗龍蝦的肉質要比凍食的龍蝦嫩滑，結合芝士香，唔錯。若然你跟我一樣，胃納有限要二取其一，我會建議你來半邊芝士焗龍蝦。
矜貴的熱食還有鮑魚海參，任食當然唔會俾乾鮑你，不過個子都比想像中大一些，而且軟腍入味。海參的口感，我一向喜歡。
平日我未必會飲湯，但呢度既松茸蟲草燉螺頭湯，非常清甜，我是極罕有地喝至一滴不剩。
聖誕甜品對我來說是難以抗拒的項目，薑餅人椰子慕思細滑，雪人檸檬撻與開心果杯子蛋糕清新怡人，重口味的朋友就不要錯過Oreo芝士蛋糕，好濃郁。
食完幾款聖誕甜品，本已超滿足，卻又被極力游說要吃香蕉斑蘭班戟。新鮮弄起的出品熱度足，班戟皮軟熟而滿載斑蘭香氣，配合香蕉片及朱古力漿，果然精彩，再飽也不能錯過。
食埋杯Movenpick雪糕，又是一個要抱著肚子離開的晚上。
啊！如果你係Dreyers既粉絲，呢度都有數款Dreyers口味可供選擇。
好正呀，如果有隨意門，我都想返黎食聖誕大餐！
回覆刪除就算有隨意門俾你返到黎, 都無聖誕大餐食喇...
刪除呢餐飽到呢！
回覆刪除