2020年12月2日 星期三

江湖小棧 - 人氣煲仔飯



食物:$$$1/2
環境:$$$1/2
服務:$$$1/2 

說起來慚愧,身為荃灣人,又話係老饕,竟然還沒嚐過荃灣的人氣店江湖小棧,只因每次經過,都被那長長的人龍嚇窒。

適逢跟食友傾開,便的起心肝一起去試。店子無得訂枱,為確保吃得成,開店前就去排定隊。

五點四十五分到達,已拉了條小人龍,剛剛好是頭輪的最後一個,遲一秒已經要七點後回來等第二輪,真好彩。

打開英雄帖,揀定心水食物,煲仔飯是必然的了,還來些串燒,配啤酒汽水,爽皮呀!

兩款煲仔飯,分別是窩蛋牛肉飯,以及北菇滑雞飯,廿分鐘左右隨之上桌。

打開蓋淋上豉油,同埋最緊要既豬油,再焗一陣便可起動。豬油撈飯肯定香,仲要係煲仔飯,邊有得輸。牛肉夠滑,質感亦不是太假,勝在還配上大量蔥花,滋味無盡,若然天氣再涼番啲就認真一流。

北菇滑雞煲仔飯,同樣是佈滿蔥花,雞件十分嫩滑,不比窩蛋牛飯遜色。墊底的飯焦脆卜卜,加埋甜甜的豉油,是吃煲仔飯之精髓。

同樣惹味的,仲有啫啫芥蘭煲,喜歡芥蘭爽脆而不硬,滿有風味。

大家對餐牌中的酸菜魚都好有興趣,不妨來一兜。雖然用上的只是潮州酸菜,同埋第一次見勁多蔥的出品,但酸湯的味道還是挺吸引,好開胃。反而鱸魚不是我所喜愛,若能換上桂花,甚或是龍躉,肯定更討我歡心。

之後再來幾味燒烤食品,這類地方的烤雞翼和雞軟骨,基本上是信心保証。放上大量的生蒜和炸蒜來烤通菜,成品比預期中更出色。

水準果然唔錯,難怪晚晚客似雲來。


餐廳資料:
江湖小棧
荃灣鱟地坊30號寶成大厦1號地舖
23997994

6 則留言:

  1. 我想食豉汁排骨飯呀,可惜有人唔食呢尾。。。

    回覆刪除
  2. 我知佢只做夜巿,但死啦.............5:45pm就有小人龍 :(...........我都未放到工~~~

    回覆刪除
    回覆
    1. 你放工可以排第二輪... 不過家陣晚市都無堂食喇~

      刪除