食物:$$$
環境:$$$1/2
服務:$$$$
此舖位的上兩手,分別經營西餐及冰室,都係未夠半年便敗走,可能是時不我與,但我覺得更大的原因係出品水準太不濟。
坦白講,那兩間我也幫襯過,但真的一次無回頭,執筆去寫我也費事。
家陣呢間古今二,唔知可唔可以成功留低呢?
幾十蚊連飲品的午餐,委實是不貴了,所以人流還是可以的。 點左客日式咖喱蛋包飯,我從沒預期會是正宗的蛋包飯,所以沒期望便沒失望,至少呢隻旋風蛋,唔係太老。呢度既日式咖喱汁,微甜之餘,辣度亦比坊間很多地方的出品要高,怕辣的朋友要留意。 蛋包飯還會配上吉列豬排/ 炸雞/ 牛餅,即管試試炸牛肉餅。咬落是鬆脆的,但牛味是比較薄弱,是我要求太高了嗎? 作為一個餃子控,見十二蚊便可追加三隻餃子,又忍唔住想試下。看來是現成貨,但外皮不厚,餡料滿滿的,蔥汁味道亦唔差,無乜投訴。 凍檸茶缺乏茶味,好在還夠冰凍,大汗疊細汗下大呷幾口,受用!一貫港式日本餐既水準,當然我唔會有興趣食佢既刺身壽司,年紀大Quota有限呀~
我想食芝士年糕同雞翼呀!
回覆刪除個餃子好多汁喎!
回覆刪除