食物:$$$1/2
環境:$$$$
服務:$$$1/2
香港人很喜歡食自助餐,但於筆者而言,半自助其實更為吸引。
然而,家陣有Semi-buffet供應的地方愈來愈少,尤其是晚上。
官塘如心既Forte是其中有半自助晚餐的,水準不賴,特別愛吃其斧頭扒。終於,同系的荃灣如心,也開始提供Semi-buffet,作為荃灣街坊既我,一定要支持。
我最關心的,係主菜有乜嘢揀。估唔到,竟有韓牛供應,仲要係1++的級數,我當然不作他選。
沙律、湯品、壽司刺身,以及甜品,悉隨尊便。沙律菜加上醋是蠻開胃,車厘茄清甜多汁,有我從來中意的粟米粒,還有雅枝竹和吞拿魚沙律等。
忽然想飲個中湯,或者最近太缺乏湯水的緣故。
刺身,請師傅每樣拿一點給我吧!三文魚、吞拿、八爪魚,同埋甜蝦,水準不過不失,唯獨是北寄貝這東西,從來不是我杯茶。
食到咁上下,可請店員上主菜。韓牛是薄身,但頗大塊,符合我要求的Medium
Rare。肉質軟腍,不失肉味,還有滿滿脂香,水準比我預期中高。旁邊既凱撒沙律,正好中和牛扒的肥膩感。
一系列的蛋糕甜品,我較喜愛木糠布甸。
最後,整多杯哈根大師新口味的芒果覆盆子雪糕,酸酸甜甜正好消滯,我幾中意呢款味道。
餐廳資料:
Cafe Circles
荃灣楊屋道8號香港如心海景酒店暨會議中心9樓
22802868
刺身睇落幾正咁喎!我都係,麻麻地北寄貝。
回覆刪除我覺得北寄貝似食擦膠
刪除有韓牛,好正呀!
回覆刪除韓牛係唔錯喎!
刪除不錯似的!
回覆刪除塊韓牛係好食既
刪除