2019年11月26日 星期二

麵屋武一 - 稱心的雞白湯拉麵



食物:$$$$
環境:$$$1/2
服務:$$$$

一條友搵食。吃什麼?隨縱吧!

有考慮過去龍門冰室,但等住用金錢懲罰佢既人龍實在太長,附近的另一間店子蜜庵本膳亦然。行下行下,到了棉登徑,我決定去食日式拉麵,麵屋武一。

好可能,我係日本食唔夠喉。
         


此過江店是以濃厚的雞湯底作主打,其實我更喜歡。如客人覺得湯底太咸或太淡,小店也可加清湯或醬汁去調節,蠻窩心的安排。


點了碗雞白湯拉麵,呷啖湯,確實濃香可口,合我心。雞叉燒以腿肉來做,皮爽肉嫩,與雞肉丸的味道都很好。早知有如此水準,我就加錢要多隻溏心蛋。


麵條是採用幼身麵,正中下懷,而且麵質爽滑,富彈性,總之呢碗麵,我中意!夾硬要挑剔的話,就是份量較少,是比坊間的拉麵細碗。


認識我既朋友都知道,我是日式餃子控,即使吃不完碗拉麵,也要點份餃子,變態。一客五隻的煎餃,味道稱不上很有驚喜,至少底部煎至香脆,收貨了。


喜歡吃雞湯拉麵既朋友,呢間值得試。

餐廳資料:
麵屋武一

4 則留言: