2019年11月27日 星期三

宏 - 生意淡薄



食物:$$$1/2
環境:$$$$
服務:$$$$

大家有無食過『宏』?

筆者對宏的印象,仍停留在佐敦既時代,其綠茶卷蛋好出名,食友KK每次飯聚後都會跑過來買卷蛋俾佢兩個寶貝女食。

講講下,又係咸豐年既事,我哋既飯聚,已經暫緩左唔記得幾耐。家陣咁既時勢,要重推飯聚,更加艱難。

是日在尖沙咀完成工作後,獨自在The One找地方食午餐,抬頭見到這間既陌生又似熟悉的日式餐廳宏,令我有衝動走入去回味一番。

中午的繁忙時間,職員多過客,其實我見商場的其他食肆,皆是生意淡薄,香港地搞成咁,實在令人痛心疾首。
        


點了份迷你三彩丼定食,所謂三小碗,內容查實係海藻烏冬、吞拿魚茸飯,以及鰻魚飯。狩餐還有跟上沙律,迷你卷蛋和錫蘭紅茶。


累透的日子,加錢轉了杯熱咖啡,確保下午有精神工作。咖啡水準是可以,但為什麼比任何食物還要先到?這杯咖啡,應該來配卷蛋才是好。


喜歡這兒的烏冬,煙韌之餘,湯頭也夠熱。蒲燒鰻魚飯勝在無細骨,但味道只屬一般,且汁醬是太少了一點。


吞拿魚茸賣相稱不上吸引,味道卻又唔差,令我輕易清掉整碗米飯。


跟餐有甜點送,是店家的招牌卷蛋,仲有不同口味供選擇。

綠茶卷蛋理應是最穩陣,不過我一向對綠茶產品麻麻,所以挑了黑芝麻卷蛋。是迷你版本,慶幸水準得以保持。

回家再望望,原來宏現時只剩下The One呢間店,恐怕佢都唔捱得幾耐~


餐廳資料:

尖沙咀彌敦道100號The ONE 5樓502號舖
27372665

5 則留言:

  1. 哦,原來係呢間,我記得以前試過佢嘅曲奇都好好味架,不過因為卷蛋帶唔到返黎,就無機會試lu。

    回覆刪除
  2. 人工收入少!又有疫情!少咗出街食飯!

    回覆刪除