2019年9月12日 星期四

海外篇:豬腳小姐 - 補充骨膠原?!



食物:$$$1/2
環境:$$$$
服務:$$$$

落機去到酒店已經三點幾,肚子不斷在打鼓投訴,卸下行李後,馬上去吃東西醫肚。

心中早已決定了目的地,我們的第一餐,就吃豬腳小姐(미쓰족발)

미쓰족발不止得一家店,我在建大及弘大那邊也見過其蹤影,但筆者到訪的,是明洞店,貪其近我下榻的酒店。
        


門口的午市餐牌,價格雖經已用手寫作了調整,不過依然抵食。可惜來遲一步,只能點A la Carte

饑腸轆轆,二話不說點來份豬蹄拼五花肉,有中和大之分,就要了中的(2-3人份量),再試別的東西吧!


原來散點豬腳,還會跟上沙律,以及麵條,,又幾划算喎!各式沙律菜、檻欖及車厘茄等,大致新鮮,混了黑醋,醒胃,正好平衡豬蹄的肥膩感。


豬蹄與五花肉送來,份量巨得令我目瞪口呆,還幸沒有點大份的,否則真係不堪設想。

豬蹄肉質唔怕死實實,豬皮豐厚,連帶脂香。五花肉雖肥瘦相間,感覺卻不及豬蹄出色。若嫌太肥膩既話,可以生菜包裹著來吃,醮些辣醬會更滋味。


『跟餐』的麵條,質感煙韌,放入辣鍋中煮熟,好刺激好滋味。


喜愛吃韓式魚旦,絕對是貪其口感,鍋內不同顏色及形狀的出品,口感大同小異,只是有辣有唔辣,個別有兩粒是有菜肉餡的,我是收貨了。


沒點飲料,與其都是喝汽水啤酒,倒不如走出大街,睇睇有咩特色飲品岩心水仲好。

餐廳資料:
豬腳小姐
78 Namdaemun-ro, Myeong-dong, Jung-gu, Seoul (明洞站 6或7號出口)

3 則留言:

  1. 好心急想知首爾仲有咩係你覺得好食呢!:)

    回覆刪除
  2. 呢位豬小姐相信係我見過最可愛的!

    回覆刪除