食物：$$$$
環境：$$$$
服務：$$$$
延綿不絕的生日飯，實在令我太滾動，謝謝大家的厚愛，心領！
今次，朋友傳來四家餐廳俾我揀。既有地獄廚神的餐廳，也有梳乎厘班戟做得很出色的店子，亦有我喜愛的西班牙菜，以及期待已久既日本燒肉店Futago。
四間都好吸引，但我既選擇困難症並無發作，因為我想試Futago好耐好耐了。
吃燒肉前，整份泡菜牛油果沙律。爽脆的沙律菜，結合甜甜辣辣的泡菜，醒胃，牛油果的存生是錦上添花。
費事傷腦筋，選來個拼盤，有豬有牛和牛脷。先燒牛舌，有店員幫忙燒，不用自己動手。原條牛舌，前端是有點點韌，其他大部份位置爽脆，調味不俗，來得合意。
塊牛既雪花唔算超級誘人，或者店員燒得好，質感軟腍，脂香豐富，搞到我呢個食肉獸完全抗拒不了。至於五花腩，看上去幾肥，但入口又不覺滿口油脂，水準比預期中更出色。
啤酒配燒肉理應不錯，但來過的朋友推介薑汽酒，不妨試試。冰凍容易入口，大大啖喝，爽皮，果然好介紹。
個個朋友對我咁好，原本應該好開心，但係香港搞成咁，實在難以令人開懷。
明天會更好？？？
餐廳資料:
Yakiniku Futago HK
恭喜你如願以償，香港病了唯有活在當下吧！
回覆刪除一返到香港就好心up，都係搵定後路好D............
回覆刪除嗯~
刪除