食物：$$$1/2
環境：$$$1/2
服務：$$$$
講起懷舊地茂餐廳，九龍區有女人食飯公司，港島區的代表則是杜老誌。
杜老誌三個字，或會令人聯想起舞廳，或者夜總會，有番咁上下年紀既朋友自會明白，未去過都肯定聽過。
世事總是常變，風光日子不會永恆，特別是回歸後，你真相信馬照跑、舞照跳，五十年不變嗎？
家陣就連杜老誌夜總會的舊址，上月都已9億易手，年輕的一輩，甚至乎再不會知道什麼是夜總會。
講番呢間杜老誌大飯店，不難猜，就是扮懷舊的餐廳，兩旁都是昔日大押、麻雀館等的設計，麻甩佬上到來應該頗有親切感。
叫左幾個餸，當然均是香口嘢為主。蝦多士咬落鬆脆，蝦膠彈牙，調味還算不錯，比預期中出色。
蟶子是店員所推介的，每人來一隻。將蟶子切粒，連同肉碎、青椒及洋蔥等炒香，旁邊有幾片生菜，可以包來吃。無疑，是惹味的東西，蟶子爽脆，沒炒得太韌，只是肉碎稍咸，配白飯或者啤酒，就好。
花甲蒸蛋是我點的，花甲像花卉般插在嫩滑的蒸蛋之上，美。細嫩無沙的花甲，與滑不溜口的蒸蛋從來匹配，這碟蒸蛋更有點肉玉子豆腐的感覺，我是喜歡，當然也懂得叫碗白飯來伴之。
全晚最精彩的，我認為係厚切龍皇鳝煲。上桌時沙沙的聲響，香噴噴的氣味，未食已經流口水。
鱔的確是勁厚身，質感彈牙，入味非常，記緊要挑乾蔥來吃，否則實在是一大損失。
細細個愛喝的維他奶紅豆冰，呢度可以重溫，不過依家已覺得係太甜太甜既小朋友飲品了。
餐廳資料:
杜老誌大飯店
個鱔好正咁喎！我細個like飲大家x雜果賓治。:)
回覆刪除鳝係正呀!
刪除厚切龍皇鳝煲見到又流口水喇！
回覆刪除係啦
刪除