海外篇：新鴻發美食 - 超厚西多士

食物：$$$1/2

環境：$$$$

服務：$$$1/2

筆者唔賭錢，去澳門的活動，不外乎吃吃喝喝。

三點三，下午茶時間，腦海飄過一個我想去已久的地方，新鴻發。

問幾位團友，各位無異議，話「飲食」呢個題目放心交俾我，大家有得食便可。於是，大家汗流浹背的往新鴻發方向走去。

      

好好彩，剛巧有人離開，我們可以進佔六人大圓枱，唔使分枱，吃得更方便舒服。

點幾件芝士豬扒蛋菠蘿包，加兩份超厚西多，足夠有餘。

呢個菠蘿包，包身鬆脆，豬扒大塊，可是味道略淡口，同埋偏韌，還幸有炒蛋，以及芝士來彌補不足，但其實，稱不上很高水準。

大家的焦點，始終落於西多士。超厚身的出品，色澤金黃，炸得很好。加上大大片的牛油，邪惡到一個點，唔食得都睇得，打卡岩晒！

用刀切開，中心是有層花生醬的。塗勻牛油，再加入大量的糖漿，外微脆內鬆軟，讓每口的西多都索到糖漿的甜，就是好。

團友說奶茶水準不錯，但我還是要杯凍菜蜜便是。

店家仲有一款名物，牛肉炒通粉，不過大家食力有限... 下次下次，下次大概可以～

餐廳資料:
新鴻發美食
高士德賈伯樂提督街55號A
2853 0452