新店速遞：才哥蝦麵 - 港式

食物：$$$1/2

環境：$$$1/2

服務：$$$$

久唔久就會想走到大角咀，去車品品食番個好西，同老闆娘Florence吹吹水。

這夜收工，又搭車過去，但被車品品的人龍嚇得卻步，求其在附近填飽肚便算了。

大家都知我對馬拉嘢情有獨鍾，見到有間才哥蝦麵，好有興趣，還未上網睇佢既風評，雙腳已不由自主的走進去。

   

或許是時間太早，我來的時候空無一人，可以包場，仲以為伏味濃。但當吃至半路，已近似全場爆滿。

二話不說先來碗蝦麵，由於只我一人，唔使好耐蝦麵便送到。呷啖湯，很濃郁的味道，是大量蝦殼淆製而成的出品，非常足料。但有別於檳城的蝦麵，因為是完全不辣的。幾款配料，豬頸肉彈牙，當然我不會期望會用什麼靚蝦。因湯底不辣，豆卜也發揮不了最大功能。

又要了份豬腸粉，唔得滑溜，有點失望，不過配上三色醬，又點都唔會難食既。

不得不讚下自己，近排真係好乖，無飲汽水，只飲熱菜蜜。

如果真有機會，就試下佢既海南雞飯啦～

餐廳資料:
才哥蝦麵
大角咀角祥街22號地舖
61526403