食物:$$$1/2
環境:$$$$
服務:$$$1/2
在上環工作完畢,若要找吃的話,許多時候都會往IFC方向走,
很少會留在信德中心搵食,畢竟那個『上船』的商場,沒多少間食肆吸引到我。
有次朋友話,有間北海道過江的拉麵店登陸信德中心,叫我有機會去試試,再話佢知掂唔掂。
真正既友誼,係唔會介意老友搵你去做白老鼠的。於是,這一天,我做完手頭上既嘢,就獨自去吃拉麵。
拉麵店提供的是冰水,加了印象分。同時,在近似夏天的二月,大口喝杯冰水,無比受用。
店子以蝦湯拉麵為主打,愛刺激既朋友可有辣的選擇。挑了人氣No.1的味噌蝦濃湯拉麵,相信比較穩陣吧!
依習慣呷啖湯,味道比預期中淡口,但確有點味噌的氣息,不是蝦湯獨大。稱不上很驚艷的湯頭,至少我可以接受到。叉燒只一片,水準麻麻,半隻蛋反而做到應有效果,不失蛋香。
粗身捲曲的麵條,素來不是我的至愛,但無疑掛湯能力是強。
另點了份煎餃子,一客五隻,底部是煎得脆口,可是完全無味道,想唔沾豉油都唔得,十分失望。
做完白老鼠後,我會奉勸我朋友,唔使專程去試。
餐廳資料:
緣屋 扎幌元祖蝦湯拉麵
上環干諾道中168-200號信德中心2樓228-230號舖
25591166
你愛幼麵?我like粗麵多啲。
回覆刪除係呀! 幼麵岩我口胃
刪除煎餃子明明好靚仔,但竟然無味,好失望呀
回覆刪除我見佢個樣本來都有D期望...可惜
刪除