2018年11月30日 星期五

Yamm - Loooooooooongest Brunch



食物:$$$$
環境:$$$$
服務:$$$$

原先相約了久未露面的老友ETMira Moon食獨角獸下午茶,後來傾開,發現大家好耐沒到訪過Yamm,而且這個週末剛推出陣容比平時更鼎盛的Longest Brunch,不如轉軚去Yamm

十一月尾,酒店的聖誕佈置已準備就緒,聖誕氣氛滿滿,忍不住舉機影下啲鬼咁可愛的裝飾。

所謂Longest Brunch,食物款式更多,最矚目的是門口位的水果陣,既有Free Flow的鮮榨果汁,又有新鮮生果串,以及些朱古力配水果的產品。此外,亦有小朋友的攤位遊戲,及每位客人都有的即影即、印有自己相片的座枱小汽球,成件事好開心。
    


有理無理,先去整杯鮮榨果汁,好多的生果,選擇困難症幾乎發作,曼終選取了密瓜加火龍果汁,好refreshing!


好多夜晚Buffet有的食物,呢個早午餐都有,包括生蠔,以及一系列的凍海鮮。即開生蠔來自法國,岩晒時候。龍蝦鉗以及蜆都好鮮甜,水準不俗。


始終臨近聖誕佳節,燒牛肉之餘,火雞亦唔少得,點都要參與下。許多時候吃到的火雞都會嚡烚烚,呢度既出品還好。


同樣是佳節食品,金門火腿是我更期待的,脆爽的口感,絕對是聖誕美食的首選。


點心只見一款,係蝦餃,都好足料。中式的熱食大都做得合格以上,個人最欣賞的有海鮮湯泡飯,以及欖菜炒龍蝦,尤其是後者,肉質彈牙,香口又帶點辣勁,須要Encore


估唔到佢竟有提供印度菜色,咖喱、薄餅,以致我喜愛的Tandoori Chicken都做得有板有眼。


再吃幾件壽司、刺身,同埋芝士後,便要向甜品進發。


又木糠布甸,又提拉米蘇,又藍莓芝士蛋糕,朱古力蛋糕等等,可惜我吃甜的食力已大不如前,一Round可以收手。


再整幾串新鮮水果串,清新滿足,仲好飽肚。


朋友拿了些馬卡龍回來伴咖啡,而我則以伯爵茶來消滯。


Longest Brunch會不定期出現,據知下次,正正係聖誕節,大家要留意了!


餐廳資料:
Yamm
尖沙咀彌敦道118-130號美麗華廣場The Mira Hong Kong 地下大堂
23155120

6 則留言: