2018年10月6日 星期六

小娘惹 - 小隱隱於野



食物:$$$1/2
環境:$$$1/2
服務:$$$$

剛睡醒,正當煩惱中午吃什麼之際,收到濶太訊息約食Lunch

循例問一句:去哪裡吃?

得到的回覆是鰂魚涌的小娘惹。認識我既朋友都知道,對於星馬菜系,我的抗拒能力是非常之抵。

廿個座位左右,店子頗為擠迫,濶太個幾萬銀既手袋就咁放在大髀上,我好驚會被喇沙湯汁濺污糟。
   


肉骨茶是一人份量,當然會配上白飯及佐料,還有最重要的油炸鬼。


先呷口湯,既沒很強的藥材味,胡椒味也不會很重,但喝下去總算醇和。腩排口感尚且鬆化,帶肥脂的位置自然更甘香,還有索味的豆卜,同埋油條,要吞下一碗飯不是難事。


招牌的喇沙無理由唔試。同樣地,呷啖湯,唔會好辣,但柔滑順喉,滲出點點椰奶香。或者受真 · 食家蔡瀾先生的影響,有螄蚶的喇沙自會有印象分加。這裡的,既有海蝦、豆卜、魚片和蛋外,更真的有螄蚶,而且每款的水準也不賴,麵條更加是油麵結合米粉的摻摻,合我口胃。


既然咸食岩心水,不妨來客甜品。斑蘭焦糖燉蛋,面頭帶脆,質感細滑,滿滿斑蘭香,其實我一個人絕對可以KO有餘。

店子屈左入後巷,比較難搵,聽店主電話教人怎樣過來,又是土地問題嗎?

餐廳資料:
小娘惹

6 則留言: