Aqua Cafe - 因為有位

食物：$$$

環境：$$$

服務：$$$$

又是另一個週末，節目依舊是打波，開波前仍然要先祭五臟廟。

天有不測之風雲，忽然下起大雨來，在港鐵站跑過對面的D2 Place一期，索性在那裡求其搵間餐廳搞掂～

只得三幾張枱的Aqua Cafe，平時見佢多半無位，是日竟可直行直入，即管進去試一次。

先劃好點餐紙，再到收銀處付款，稍後會有員工送餐過來。

    

看勻整個餐牌，波友與我皆選擇食日式咖喱系列，佢要吉列豬，我則揀吃漢堡扒蛋包飯。

兩份食物，以及飲品，均是以外賣盒和杯來盛載，或許是要免卻清潔碗碟的煩惱，但就有點不環保。

Any肥，日式咖喱汁，甜中滲出微辣，幾好下飯。淺嚐一件豬扒，味道普通，唯質感尚且鬆化，幾十蚊連嘢飲，可以收貨。

我的漢堡扒，口感與荃灣的小店翔有一截距離。雞蛋是嫩滑，但說它是蛋包飯嘛，又似乎不太稱職。

飲杯咖啡提提神，希望一陣表現好啲。

事與願違，又輸波，一定係杯咖啡唔得香濃，哈哈～

餐廳資料:
Aqua Cafe
荔枝角長義街9號D2 Place一期1樓104及106-112號舖
37912499