2018年6月16日 星期六

The Place - 一解愁緒



食物:$$$1/2
環境:$$$$
服務:$$$$

暑假將至,好多朋友已準備好去旅行,最熱門的地方,當然就是日本。

然而,個個想去旅遊,唔通個個都可以去旅遊咩?

有見及此,The Place今期的自助餐,以日本為主題,讓那些像我一樣,沒得去日本食玩的慘慘豬,可以一解愁緒。
   


事不宜遲,食幾隻生蠔後,便向日本嘢進攻。來過這裡食Buffet好幾遍,每次生蠔均來自不同產地,今云就是紐西蘭,夏天食紐西蘭生蠔,岩時候啦!


日本嘢,自會有唔少冷盤供應,包括個人喜愛的冷麵,這有喬麥麵與梅子素麵兩款,炎炎夏日整碗冷喬麥麵,真舒服。


壽司與刺身,平日或會睇狀態/食力決定吃不吃,但既然以日本為主題,點都要參與下。


同樣道理,要食番件手卷,拿了軟殼蟹手卷來,幾醒胃的,只嫌紫菜未夠香脆。


今次收起了邪惡的鵝肝,換來日式麵豉焗半殼帶子,肉嫩而調味不錯,可以Encore


焗龍蝦係呢度既必然項目,分別在於怎樣焗?之前有試過菠蘿芝士焗,又見過加煙肉去焗,甚至乎四川辣椒芝士焗都出現過,今云係日本主題,以日式麵豉加松露醬去焗,又是另一番風味。


食埋天婦羅,或者可以停一停,飲番盅中式燉湯。


是晚的燉湯,係淮山蓮子燉雞,幾位湯怪女士們大呼一盅唔夠喉。咁又難怪,呢度既燉湯,一向高水準。


熱食方面也有不少日式的東西,包括一口和牛,口感不俗的免治雞肉串,醬油鯖魚等等。


不難想像,日式甜品會有齊紅豆綠茶蛋糕、白桃果凍、和菓子、櫻花士多啤梨卷蛋等,這兒的甜點,向來又好味,又好呃Like


近年大熱的日式梳乎梨班戟,亦可在這裡找到,當然要有排隊的心理準備,但,是值得排的。另外,蜂巢蛋糕,都是又靚又可口。

食盡豐富的美食,飲埋杯咖啡,無錢去日本,都唔使太閉翳既。

餐廳資料:
The Place

6 則留言: