2018年6月18日 星期一

新店速遞:正 麻辣。茶。雲吞 - 麵條累事



食物:$$$
環境:$$$1/2
服務:$$$$

身處長沙灣,忽然唔知自己想食乜,枉我仲話係呢區生活了廿幾三十年。

漫無目的走不是辦法,不如參考下濶太個IG?佢po出來許多小店都好吸引,睇睇有無係呢頭附近。

果然找到一間,新開沒多久的小店,店字好古怪,正麻辣茶雲吞。

望下個地址,不就是我細個睇到大既佘醫生診所對面?
   


有個手打雲吞湯麵或米線的午餐,跟杯健康茶,盛惠三十六蚊。另可追加其他餸,如墨丸、魚片頭、豬肉丸、腩肉等等,加七至九元不等。

初次到訪,為免瀨嘢,小試牛刀,基本的雲吞湯麵便可。有麻辣味與豬骨湯兩款選擇,搭枱的那位小姐辣到眼水鼻涕直流,我怕怕,要豬骨湯底好了。


手打雲吞有兩款,分別係薑汁椰菜豬肉,以及韭菜豬肉。


兩者均是皮薄而滑,椰菜那款肉的比例較多,但豬肉餡唔怕死實實,還有點薑味,幾好。韭菜餡則豬肉與韭菜各半,帶出韭菜香,雲吞無疑是不錯的。


雲吞出色,敗筆卻在於麵條,頗重的枧水味,拖垮了整件事。


點了洛神花茶,何解係黑色架呢?

原來是羅漢果茶,是但啦,都係好東西來的。

餐廳資料:
正 麻辣。茶。雲吞

6 則留言: