黃金冰室 - 時代變遷

食物：$$$

環境：$$$

服務：$$$

呢個品牌，都算傳奇。

十幾廿多年前，只是在長沙灣賣涼茶和小食的地方，沒記錯的話，店名就是黃金涼茶，生意很一般。

忽然一天，食家蘇絲黃介紹佢既咖喱魷魚(我見到都唔想食)，店子多了人留意，可惜熱潮很快便退卻，店子隨後亦轉型。

轉型後，長沙灣個舖變成了黃金茶寮，是點心專門店，接著更在荃灣、旺角，以致新蒲崗開分店，生意愈發愈大。

    

去年，更在深水埗開設新Line，叫黃金冰室，店子是以前榮發個位，不過當年榮發是孖舖，如今黃金只是一個舖位，地方是比較狹小。

今天的冰室，已不是我們當年的真正冰室了，頂多只是摩登的茶記，時代唔同左啦～

午餐，四十二至五十蚊不等，我選了黑椒牛肉炒意粉，跟紅湯。個人認為，羅宋湯酸辣度都不足，還幸材料唔少，普通而已。

黑椒牛肉粉意粉，上桌時煙是冒出來的，但吃起來又唔覺得熱。黑椒的辛辣和惹味並不突出，好彩牛肉是鬆化和口感不太假，不過跟我喜歡的金園比較，水準差一大截。

熱奶茶反而唔錯，茶味足，口感幼滑，是我喜歡的一類。

可能來得不合時，店員個個在忙著做外賣，堂食要等好耐好耐，基本上全場客人都上漏了餐湯，需連番追單。

老老竇竇，我還是喜歡昔日的榮發。

餐廳資料:

黃金冰室

深水埗欽州街55號地舖

28166608