Instagram

2018年1月12日 星期五

安南 - 冬日暖意


食物:$$$$
環境:$$$$
服務:$$$$

1957集團旗下很多餐廳都試過了,基本上間間都有水準,包括安南,其椰青蟹教人念念不忘。

只是,對上一次到訪,已超過兩年,係時候翻兜,試下佢既食物有無走樣。

到訪當日氣溫是單位數字一於主力嚐其冬日菜色,當然唔少得招牌既椰青蟹,否則我真係唔會放過你。
    


天氣寒冷,飲杯熱嘢香暖暖身,是有必要的。店員推薦的香茅茶,喝得舒暢。



頭盤朋友建整條炭燒魷魚試下,有點怕佢韌得像食香口膠,不過試一件,便知我是杞人憂天。燒得香口,爽脆而不韌,沾上香茅醬汁,惹味可口。



再來的大蜆,鮮嫩無沙,配上醒胃的酸辣汁,會令人一隻駁一隻的吃不停口。



夢寐以求的椰青蟹要爭相出場,先呷口湯,盡是椰青水與蟹的鮮,好飲到不得了,要追喝幾口才開始食蟹。啖啖肉且鮮甜的蟹,吃得眾人痴痴醉,皇牌真是皇牌,並非浪得虛名。



越南大頭蝦身軀寵大,以蒜蓉焗更為惹味。蝦身肉多而爽口,蝦頭的蝦羔更加只能以澎湃去形容,吃得津津有味。



冷得騰騰震既天時,要吃個煲,越式香茅羊腩煲,端上來時已陣陣羶香,羊腩鬆化入味,皮厚膠質豐富,墊底仲有枝竹等吸味之物,令事情更完滿。



鵪鶉焗釀糯米飯,呢個季節岩晒,鵪鶉肉嫩,但始終太細隻,能釀份的糯米飯太少,意猶未盡。



沒吃牛河,反而吃個海鮮烏冬煲。搞到亂晒先識影相海鮮水準不俗,精華還在海鮮湯之中。




甜品有法式杏仁奶凍,同埋大家拍案叫絕的花生和椰子雪糕,可惜我咳到甩肺,無緣品嚐,算是留個藉口再次來吃吧!

餐廳資料:
安南
九龍塘達之路80號又一城L1層20號舖
2866 2803 

4 則留言: