2017年11月14日 星期二

Cafe BIG - 下次會碰到你嗎?


食物:$$$1/2
環境:$$$$
服務:$$$1/2

無可否認,我家附近,以前Nova的位置,樓底極高,落地玻璃,是個悠閒舒適的好地方。

可惜,Nova早已離我而去,其後的EC Kitchen亦捱唔住,由現時的Café BIG接手,我亦幫襯過好幾次,希望佢頂得住。

起初我以為Café BIG沒什麼含意,就是大咖啡室咁樣,原來店主是基督徒,BIG的意思係Believe In God~

抬頭望,原來店子的Logo投影在天花板上,有心思。所以話,有時抬起頭望高啲,望遠啲,可能會有意想不到的新發現……
     


店子採半自助式,先行到櫃枱落單,拿個號找個位,店員會將食物送到你跟前。

吃過幾次這裡的漢堡,價錢由三十幾蚊起跳(套餐四十幾),最貴的過百蚊亦有,豐儉由人。



四十幾蚊套餐的芝士牛肉漢堡,其實也不失禮,包身軟熟,半溶芝士附在厚身的牛肉之上,加埋清爽的甜生菜與蕃茄,可以收貨。不過,我曾嚐過貴價的鵝肝芝宜牛肉漢堡,那牛肉明顯是較優質,兩者總是有區別的。



個人同時推薦磨菇雞肉漢堡,磨菇爽口,雞肉雖厚身,仍保持嫩滑可口,不吃牛的朋友亦有其漢堡選擇了。同埋,佢仲有冷門的羊肉漢堡,不過我就沒試過。

佢既薯條,係粗身的一款,比金拱門的勝十倍。



有時我會飲可樂,間中都會扮健康飲橙汁或其他果汁,好中意佢像燈泡的器皿,好可愛。




除了漢堡以外,呢度仲有飯/意粉和沙律等供應。

我偶爾會係度打躉,睇下有無機會係度碰到大家XD

餐廳資料:
Cafe BIG

5 則留言: