2017年9月25日 星期一

霸王川莊 x 少爺啤 - 流汗定較淚流偉大...


食物:$$$1/2
環境:$$$$
服務:$$$$

元朗Yoho Mall一期落成後,不少知名飲食品牌進駐,要吃勻都要花好一段時間。早前已嚐過Mango Tree Café 以及Glasshouse,這次誓要試試中餐,川菜,霸王川莊是也。

猶記得數年前的辣局,也曾在霸王川莊舉行過,那時只有中環店。

近年流利Crossover今期霸王川莊就與著名本地手工啤品牌少爺啤合作,川菜配啤酒,合情合理。
     


喝過八寶茶後,大家以秋葵來打開胃口,可配醋或甜辣醬,有辣有唔辣,任君選擇。



隨之而來是幾款涼菜,話梅小紅茄與糖醋小排骨,酸酸甜甜之味型,同樣醒胃。川北涼粉口感有別於坊間嚐到的,因是厚切,伴以香辣汁醬,又唔錯。



幾款開胃涼菜,配合咸檸啤就最適合不過果真是咸咸酸酸味,好特,對於少喝啤的我來說是新嚐。另外還有少爺皮爾森,跟水煮魚及酸菜魚是好拍檔。黑麥在木各的味道較濃,最適宜配炒川菜。



店員抱來兩大盆的東西,正是水煮魚以及酸菜魚。



酸菜魚的味道可以再酸一點,個人較喜歡火紅的水煮魚,桂花魚片浸在紅湯內的吸引力,自己試過就會知。



辣妹子乾煸肥腸,豐腴邪惡,辣勁亦不弱,配埋菇菌真好吃,若能煸至再乾身一點,效果自然更理想。



辣子雞丁雖沒有辣椒堆中尋寶咁誇張,不過雞丁酥脆,火辣度亦合乎預期,這味根本就應是一級辣的菜色,大口大口的喝啤酒實在妙極。



再來的香烤醬豬手,不是辣的,但皮厚甘香,再伴以薯條。吃著這個喝著啤酒,太有吃德國菜的感覺。



之後的七彩燒雞翼好特別,真是七個顏色七款味道,芝士、紫薯、芝麻、沙律、麻辣、泡菜和香辣,個人只挑了紫薯來吃,味道又唔差,唔使放上鳩劣食堂示眾。



跟著係一系列既串燒,鬆化的燒和牛是我最喜歡的,煙肉秋葵串與腩片車厘茄串亦恰如其分,最特別的一定係墨魚仔鵪鶉蛋串,又是膽固醇萬歲既時間。




人靠衣裝佛靠金裝,傳的四川冰粉以雞尾酒杯盛著,頓時變得高貴。

餐廳資料:
霸王川莊

4 則留言: