蘇浙滙 - 回憶仍活在我心

食物：$$$$

環境：$$$$

服務：$$$1/2

（呢篇既相片係以電話影，質素麻麻，請多多包涵！）

都說過，打波既日子係人生中最快樂的階段。

昔日戰友從澳大利亞回港渡假，只短暫逗留一星期，要好好把握時間齊齊出來聚一聚。

因陳教練之後要在太古教波，所以午餐之地點，順理成章在太古城。有考慮到「澳洲人」應該會好想食中菜，固我建議來蘇浙滙。

     

以吃點心為主，但也不忘點我喜歡的素鮑魚。這份豆製類的產品，驟眼看似足一隻鮑魚，栩栩如生。跟其他分店一樣，廚子已細心的將「鮑魚」切開一片片，讓客人吃得更方便。爽口的質感，即使不沾任何外來醬油已好吃，配點點日本芥末與豉油亦可。

接著是小籠包，一客有六隻，包得幾靚仔，皮薄而不易穿，收口位做得好，湯汁豐盈，肉餡實在，有水準。

生煎包亦唔錯，不讓小籠包專美於前。雖然賣相唔算一流，但包身軟熟，底部煎得脆口，肉汁雖唔及祥興記嗰類咁澎湃，至少唔怕乾爭爭。

外皮煎至金黃色的黃橋燒餅，咬落無疑是酥脆鬆化，但我覺得仍未夠香，若能用上豬油，再多些蔥香，就Perfect池喇~

樟茶鴨大致皮脆肉嫩，帶有燻香，味道不錯，但奇怪為何會跟上酸甜醬呢？另外的上海粗炒，用上的是拉麵去炒，個人認為味道未夠濃烈，是我太重口味了吧！

甜品是豆沙窩餅，只嫌外皮有點韌，但總算夠熱夠香，合格既。

雖則呢餐食左兩個鐘有多，不過難得一聚，咖啡下場是必要的，落樓下誠品啦～

餐廳資料:

蘇浙滙

太古太古城道18號太古城中心3樓312號舖

31681271