食物：$$$1/2
環境：$$$
服務：$$$1/2
車媽媽又有好介紹，今次係荃灣的王子廚房，身為荃灣人，且喜歡幫襯小店既筆者，點都要搵個機會去試試。
原來，就係以前唔知荃昌定荃豐定華都商場嗰間旺場小店，我好似有啲印象。
地方不大，只得幾張枱，但一如以往般旺場，十二點十五分前到達(開十二點)也只剩一張枱，若是繁忙時間來到，請有搭枱、甚至等位的心理準備。
午市七款選擇，價錢由$48 - $65不等，無需加一，始終呢一帶出費不能太進取。
中午飯都係咪搞咁多嘢，選吃午餐最穩陣，否則隨時等到天光仍未有得食。午餐有跟湯，徘徊在紅與白之間，結果揀左忌廉湯。白湯濃稠得宜，還有勁多的栗米粒豐富了口感，沒有投訴。
記得車媽媽推薦呢度既咖喱，那就要客王子咖喱配牛魔皇飯，相信是招牌吧！咖喱的確夠香也夠辣，所謂牛魔皇，即是牛舌、牛筋、爽腩及坑腩的組合，牛舌彈牙，牛筋膠性重，兩款腩鬆化，是水準卓越的咖喱。白飯也不馬虎，以蔬菜作了些點綴，幾好。
龍脷柳沒什麼特別，起碼煎得香口，重點落在法式香草田螺燒肉汁，兩大塊肯定吃得飽足。我對於那隻薯絲蝦，更感興趣。
飲埋杯凍檸茶，見門口開始多人排隊，我會識做～
餐廳資料:
Prince Kitchen
真是有心機的小店！
回覆刪除嘻嘻~
刪除午餐最貴都係$65仲要唔加一，抵食呀
回覆刪除呢頭都唔收得太貴
刪除