食物：$$$$
環境：$$$1/2
服務：$$$$
無意發現的驚喜！
本只打算在對面的茶餐廳求其搞掂，但被這門口的變形金剛吸引著，雖然對這類「主題餐廳」從沒有太大期望，但只幾十蚊消費，加上店員大力推銷，俾次機會佢也不為過。
店子不大，食物選擇亦不多，幾款麵食加幾味小食而已，但有些食物是蠻特別的。
枱頭除放了些醬料外，更有一個變形金剛頭，原來係特辣的辣椒油，店員話叫一滴辣，好堅咁話。打開蓋的確香氣撲鼻，其後我試了幾滴，果然幾辣，我想我極限是小半匙罷了。
魚咀魚鰾上海麵，麵條沒啥特別，不過魚湯就真的足料，很鮮味，不是味精掛帥的出品。而且，足足有一個半(即三邊)的魚頭，水準佳，愛吃魚頭的朋友要留意。
我肯定唔會放過邪惡的鮮雞什豆卜，原本要上海麵，卻來錯了米粉，沒所謂啦！米粉又幾爽口喎，這碗是豬骨湯頭，仍不俗。雞什以豆豉炒過，來得香口。雞腸爽脆，雞腎口感好，雞潤沒異味，豆卜吸了豬骨湯，也好吃。不論是剛才說的魚咀魚鰾，抑或是雞什，俱搭兩條菜心，感覺更好。
飲番罐伯朗咖啡，皆因晚上十二點半有波睇，要做好準備。
店家有辣椒油，以及加強版的一滴辣賣，我就沒有幫襯，但各位辣魔可以入手，相信會滿足到您們。
據知胡椒豬肚湯麵都好辣好精彩，我仲想試下佢既炸珍珠奶茶，搵次再來吧！
餐廳資料:
博派麵館
變形金剛頭辣椒油，食哂成支包你變形！XD
回覆刪除哈哈哈~
刪除下次一齊去食炸珍珠奶茶！
回覆刪除