2017年7月30日 星期日

Mak Mak - 偶爾茹素


食物:$$$$
環境:$$$$
服務:$$$1/2

Fabrice都會食素?世界變嗎?

世界早已變了,愈來愈多歪理變道理,荒謬事情合理化,你哋唔覺咩?

話題扯遠了。七月無可否認是吃得非常瘋癲的日子,餐餐大魚大肉,偶爾來一餐半餐素食來平衡下,未嚐不可。當然,若要我餐餐咁Green,就無咩可能。

咁難得一餐食素,更加要精挑細選,確保吃到高水準的,我食素既Quota真係唔可以亂嘥。

來一場泰式素食又如何?
    


置地的Mak Mak,本身並不是素菜館,但也有不少泰式素食供應,可由頭盤素至甜品。



先以粉絲蔬菜春卷作開端,很粗壯的米紙卷,塞滿蔬菜、粉絲及黎麥等材料,漲卜卜很吸引,吃起來不致太寡,醮魚露或泰式辣汁,醒胃可口。朋友更說有像吃肉的感覺……



一般的生菜包,都是包豬肉為主,但這就以菇粒作主導,混入些紫洋蔥、豆腐及黎麥等,最重要還是有辣汁,才吃得過癮。



冬蔭公飲得多,泰式酸辣椰奶湯又比較少喝。椰奶香而不霸道,酸辣勁未算十分強但平衡得好,內有粟米芯、磨菇魏材料,大家一致讚好,我甚至想再添一碗。



始終是心理上怕唔飽,有炒飯炒麵之類比較好,起個孖就最穩陣,哈哈!泰式炒寬河粉,材料有鮮冬菇、泰國露筍等,味道不俗,灑點青檸汁,酸酸的好開胃,幾好的。



菠蘿炒飯也有不少菠蘿、提子乾及腰果等在陣,很豐富,如果能炒至更乾身就仲正。



簡簡單單一個炒通菜後,就可跳到甜品環節。



椰子吉士配雪糕,可配椰子味或泰式奶茶味,個人較喜歡後者,一來較罕見,二來因為佢加入了炸紅蔥絲,口感更佳。




這場素食之約,沒令我生厭,總算不枉此行。


餐廳資料:
Mak Mak

6 則留言: