食物:$$$1/2
環境:$$$$
服務:$$$1/2
短短四日三夜的行程,有人已經忍唔住嚷著要吃一頓中菜,若然要佢移民去外國生活,恐怕只能靠住唐人街。
如不計雲吞麵,整個The Pavilion只有兩間中菜,呢間Village Roast Duck,來得比較平民化,是連枱布也不用的。
雖不是走高檔路線,但枱與枱之間空間十足,是在香港難以遇到,即使你去五星級酒店中菜廳。
店員推薦飲個湯,也好,就一小盅螺頭燉雞,大家些牙。打開盅蓋香噴噴,就知足料,喝下去也十分清潤,有驚喜。
忘了那一天開始,叉燒成為了吃中菜的指定菜色,而燒鴨又是這裡的招牌,那就易辦,來份雙拼便是。叉燒烤得偏燶邊,大概是炭火燒的緣故。你可能認為唔健康,燒得香噴噴的又有肉香,我很喜歡。若然能多點蜜味,必會更出色。燒鴨同樣燒得香,肉嫩,要挑剔的只是皮未算相當脆口,但已很不錯。
許多時候食鱈魚,都是吃煎的,貪其香口,今次不妨試下蒜茸蒸的。魚肉嫩滑是理所當然,加入蒜茸有助提味,沒有投訴的,不過我仍是較愛吃煎的。
肉醬跟豆腐是好送飯的一味,還加入了嫩口的莧菜與不少松菇,我得要來多一碗白飯。
天氣咁鬼熱,菜蔬類就要個節瓜蝦米粉絲煲,濕濕地開胃點。這一味,精華全落在墊底的粉絲之上。
水準比想像中要好,再次確認,在The Pavilion用餐,並不是茂李行為。定係茂李左我自己都唔知?
餐廳資料:
鄉村燒鴨
Pavilion Kuala Lumpur Shopping Mall, 165, Jalan Bukit Bintang, Bukit Bintang, 55100 Kuala Lumpur, Wilayah Persekutuan Kuala Lumpur
都唔一定嘅,溫哥華就好方便,我估我爸咁多年都無乜食過西餐。;P
回覆刪除加拿大更加了~
刪除馬拉的中菜係好OK架,睇到都yummy!!
回覆刪除我D相影得靚啫 XDDD
刪除呵呵換部再正少D啦!
刪除