2017年5月23日 星期二

Cafe Hyatt - 活生生龍蝦任你砌~


食物:$$$$
環境:$$$$
服務:$$$$

個多星期前,才到過凱悅軒吃任食點心,飽足非常。轉眼間,又來到Café (Hyatt)食自助餐。

星期一至四仍是$598(另加一)的收費,五六日才僅六字頭,OR下載優惠仲有八五折,東亞個張新卡更加有一至四買一送一。相比起城中其他的五星級酒店,是十分划算。

眾所周知,這裡焦點中的焦點,就是龍蝦。我有位不算大食的朋友曾到訪過,要吃足三隻才肯收手。

或者大家會話,好多地方都有任食龍蝦啦!有咩咁特別?
   


活生生的龍蝦,你要吃時師傅才即席烹煮,再開邊。如此新鮮的貨色,肉質梗係更鮮嫩,不論是龍蝦肉,抑或是龍蝦鉗,也不可錯過。



急不及待KO了龍蝦後,再還原基本步,回到沙律、風乾火腿,以及口水雞等冷盤那裡去。於我而言,最喜歡的自然會是風乾火腿配哈密瓜。



凍海鮮也是搶手貨,蟹腳、凍蟹、蝦、翡翠螺,及青口等,統統不缺,但我還是淺嚐好了,留肚再攻龍蝦,以及更多美食。



忽然,傳來噹噹噹的聲響,原來是即宰油甘魚時間。師傅以純熟的手法將魚「支解」。咁新鮮,影完相後,唔執輸來番件刺身。



今期增設了海鮮專區,揀好心水海鮮,廚師馬上燒制。魷魚、巨型墨魚爽口脆牙,帶子燒得香而嫩,原條秋刀魚具氣勢,全是高班的水平。



作為食肉獸,肯定唔會放棄肉類既部份,鐵板燒的牛肉,香口鬆化;鵝肝多士,又是高呼膽固醇萬歲的時刻。



仲有仲有,係威靈頓牛。呢味嘢最難控制火候,不過這兒做得不錯,牛扒沒有過火和太韌。



呢度既印度嘢都係經典,皆因有印藉廚師坐陣,烤雞同埋烤蝦亦相當香口好吃,不要錯過。



甜品一向是這兒的強項,從各式蛋糕,果撻、奶凍、泡芵,每款均令人著迷,尤其是招牌的芒果拿破崙,依舊出色。



雪糕也是大賣相,因是Movenpick的出品,另外還有更討我歡心的軟雪糕,實在太滿足了。




仲有店自慢的楊枝甘露豆腐花……同埋限量供應的榴槤芝士撻~

餐廳資料:
Cafe Hyatt

7 則留言: