2017年5月9日 星期二

凱悅軒 - 點心馬拉松


食物:$$$$
環境:$$$$
服務:$$$$

外地朋友回港渡假,多年沒見,找個舒適而又坐得耐的地方聚聚頭,理所當然。

凱悅軒中午有任食,無分時段,由11點開始,可以一直食到3點鐘,是最好的選擇了吧!

短訊問過大家,沒人反對,就此決定。記緊要預先訂枱。佢11點開波,就訂11點,食到佢盡。
    


可能有小朋友的關係,被安排坐廳房,唔怕嘈到人,自然更加自在,食到幾時都沒有壓力。



反正都係任點任食,先來些小吃作熱身。涼拌雲耳切成絲,與青瓜絲及蘿蔔絲同吃,清爽之組合。香脆的陳醋銀魚仔,以及醒胃的酸齋,有效地打開大家的胃口。



想不到叉燒也可以任吃,肉質軟熟,有蜜味又有肉香,絕不會因為是任食,而給予次等貨色,很好。



之後是十多款的點心,仲有粥粉麵飯,對於胃納狹小既我,每樣吃一件都應該飽到反艇。



各款蒸點也有一定水準,燒賣飽滿可口,帶子蛋白餃足料,素餃來得爽口,唯獨是蝦餃,雖也是皮薄餡多,但全是蝦肉,我真希望見到筍尖在內。



飽點就有叉燒包與流沙包,相比之下,後者雖香甜熱辣,卻並不流心,我更喜歡叉燒包。



香口嘢我自不會錯過,不論是春卷還是咸水角,咬落去咔嚓的聲響,足以說明一切。加之,餡料也絕不欺場。



另外的磨菇忌廉雞粒酥,也做得酥香,沒半點韌,亦沒有太膩的感覺。



十幾件點心後,再吃幾條菜,飲埋碗湯,其實真係飽,所以粥粉麵飯之份量,請師傅減半。



皮蛋瘦肉粥足料綿滑,估唔到咁出色。牛腩麵又幾爽口,牛腩不韌,牛筋膠性重。炒貴勾辣勁足,但鑊氣可以更強。



梅菜蒸肉餅飯大家也吃至清光,可說明水準。



甜品的蕃薯糖水,個人認為可以更辣。但椰汁桂花糕就很清新可人,在飽到頂住的情況下,仍要追加一碟。




唔係講笑,真的食到差不多三點,完全無人會黑面無人會趕你走。

餐廳資料:
凱悅軒

6 則留言: