2017年4月13日 星期四

請坐 - 台灣味道


食物:$$$1/2
環境:$$$
服務:$$$1/2

本人對台灣菜從來算不上熱衷,或許是因為本地的台餐廳,大多不值一提,令我產生如此感覺。然而,最近有位酷愛台灣的朋友,說了多遍要去拜訪西營盤的請坐,說是全港做得最正宗好吃的一家,要我一齊去試試。咁,我都唔抗拒既,即管找個Weekend,一起去見識下。
   


唔知係咪賣左廣告,還是店子早已竄紅,我並不清楚。只見小小店子竟然人龍不絕,許些更似是外區客專程而來,須要等上半個小時而上,我真的曾想過放棄,走去英記食碗麵便算。



友人早早說了想吃台灣牛肉麵,我建議再加兩款小食,開心些牙或更好。牛肉麵上桌,快快影完相便起動,真的肚餓了。先飲啖湯,頗醇厚的,但程班長的湯頭,仍優勝少許。麵條質地也是滿意程度。朋友說牛肉韌得險些兒咬不開,不過,我的一件雖大大舊,卻是十分鬆化,看來是我走運了。



蛋餅是我與朋友皆想吃的東西,問題只在於吃那款餡料。又鮪魚又火腿芝士又玉米又九層塔,為免選擇困難症發作,還是將個波交番俾對方。最後,決定還原基本步,來一記肉鬆蛋餅。



蛋餅做得真不錯,煙韌口感,味道也非常對辦,簡簡單單的配上肉鬆,已是人間美味。



甜不辣是我選的,魚餅口感煙煙韌韌,滲出微甜與微辣,醒胃可口。這兒沒有跟上酸甜醬汁,但本身已經夠味,所以影響不大。



台灣朋友看到食物大合照後,覺得驚訝,因為以上食物,於台灣是不會同時出現在同一場合的。香港既經營環境,又點同呢!


餐廳資料:
請坐

4 則留言:

  1. 讀書時經常幫襯台菜架,貪佢平靚正呀嘛!:)

    回覆刪除
  2. 回覆
    1. 仲有唔少嘢食架...不過愈來愈多人, 要有心理準備等位了~

      刪除