2017年3月22日 星期三

酥妃皇后 - 一個字:酥!



食物:$$$1/2
環境:$$$1/2
服務:$$$1/2

某天,跟飲食集團的公關朋友談起,九龍城有間新開的餅店,好出名,好多人慕名而來。

據知其大排長龍的原因,就是為那擁368層酥皮的蛋撻。

又或者,有少少明星效應卦?!這店的老闆之一,是八十年代的歌手黃寶欣,我其實唔太記得呢個名字,不過一提到「酒杯敲鋼琴」,我又好像有些少印象。

反正在附近食完午飯,行兩步來見識下,買幾件蛋撻回去與家人分享。

   
 



看見門口人頭湧湧,最憎排隊既我曾考慮過打退堂豉,不過又唔趕時間,最重要是又為食,都係等一陣啦~





輪侯時間沒預期中長,五分鐘已可買齊我所要的蛋撻、芝士撻,以及紫薯酥。只是原味蛋撻要多等兩分鐘出爐,我願意等。





一拿上手便知原味蛋撻的酥皮確是非常鬆化,名不虛傳,但是蛋漿雖滑,蛋香卻不足,唯有慨嘆今時今日,雞有雞味,蛋有蛋香,已是奢侈的事。





芝士撻比原味蛋撻貴八個大洋其撻皮鬆得來更帶點微脆,但於重口味的筆者而言,芝味仍可更濃郁一點。





紫薯酥包,紫薯茸味道還好,至少細滑而香甜,酥皮仍大致令人滿意,無須放上鳩劣飯堂。





或許平日,是無咁多人排隊既,我估!


店舖資料:
酥妃皇后
九龍城侯王道24號地舖

5 則留言: