2017年2月7日 星期二

圃公館 - 飲茶又如何?



食物:$$$1/2
環境:$$$1/2
服務:$$$

話說,過年前在圃公館試菜,獲贈幾百蚊Voucher,有效期很短,而且上次吃不成文房四寶,感到有點遺憾,趁新年抽空去飲餐茶。

頗即興的,早一天才訂枱,竟也安排到窗口位,餐廳坐不到一半,呢個場都係難搞,儘管你掛著農圃飯店集團呢個名牌。

記得上次來,只有兩個長工識落單,其餘全是紙板人,問乜都唔知。今云有所改善,起碼有人主動走過來幫我們落柯打。

   
 



小食的七味豆腐,色澤金黃吸引,炸得外微脆內嫩滑,味道不俗,赤口有個好開始。





燒賣正正常常,和牛烤包以鍋上枱,熱呼呼沙沙聲響看似幾好,可惜和牛餡得個韌字,墊底的蔥與洋蔥反而更精彩。





金萡仙氣魚餃,名字好架勢,仙氣是乾冰做出來的效果,魚餃皮不黏牙,蝦肉爽口,面頭加了點金萡,更具節慶氣氛。





點心以外,亦來幾款小菜,新年吃好一點也無妨。招牌的糯米釀雞翼,是不可或缺的項目。雞翼釀得滿滿的,顏色也沒上次咁黑,咬落是皮脆而糯米軟熟,只是味道跟之前一樣,是偏淡口,自行加些醋吧!





過年,菜蔬也吃矜貴點,塌菜之上蓋滿花膠,女士多吃些花膠,我向塌菜進發。





上次吃的咕嚕蝦球,汁醬做得唔錯,但蝦球質素未如理想,今趟轉要咕嚕肉,的確更有驚喜。





如願以償試到文房四寶,揮過春後可以吃了。冰皮做得紙本身無味,要靠沾芝麻糊,可惜芝麻糊又是稀稀的,為何不做杰身一點呢?食味與寫字效果都會更好。毛筆是小時吃的朱古力脆條,反而那個,味道最佳。但整體而言,噱頭大於一切。





鮮果西米露是過甜了,連我也說太甜,就肯定是太甜,懶權威的說。



餐廳資料:
圃公館
灣仔皇后大道東387-397號帝盛酒店1樓
28815569

3 則留言:

  1. 我想食咕嚕肉咕嚕肉咕嚕肉,咁有誠意連講3次唔知係咪好快有得食呢!

    回覆刪除
  2. 呢次嗰碟似白菜多過塔菜!

    回覆刪除