Shack Tapazaka - 歡樂好時光，奸悲!

食物：$$$1/2

環境：$$$1/2

服務：$$$$

與久未露面的朋友聚頭，以往次次都係「正正經經」去飲茶或者食西餐，頂多吃下自助餐，倒不如今云去飲番杯，吃些香口東西，可能仲過癮。

朋友引我去銅鑼灣耀華街的Shack Tapazaka。這一帶早已變身成為食街，川菜粵菜西餐咖啡室甜品店，甚至酒吧，統統藏身於此。

事前上網瞄過，還以為會這裡會是很傳統吃日本串燒的地方，來到才發現，格局似酒吧多一點。

不過，既來之則安之，家陣啲新派嘢，我識條鐵咩，或者會係好東西呢！

  

 

店子的確供應不少串燒，那食串燒，最好便是飲Sake, 按店員推薦，來一瓶白馬錦的日本清酒，店員還說配梳打水會好喝。

大概是放得太多冰，味偏淡，邊吃串燒邊大口喝下，梳打水無用武之地。

串燒前，先來兩客香口的小食，分別是雞軟骨，與及蟹餅。前者粉漿上得好，夠鬆脆，可是雞軟骨變為雞硬骨，若你沒有朱咪咪的牙力，建議不要挑戰此品。

炸蟹餅要好得多，一碟三隻，每件面頭都加入一撮點綴，個人最愛是鋪上蟹羔的一份，鮮味十足。再者，蟹餅比想像中巨大，咬落香口之餘，裡頭蟹肉澎湃，店方會蝕錢嗎？

食完蟹餅，飽了一截，串燒不要來太多。先有我中意食的燒雞翼，雞皮脆又香，肉質亦不是淡而無味，也沒有燒得縮晒水。

再來的燒豬腩肉，肥瘦得宜，咬下去鬆化不韌，滿口油香。大杯酒大啖肉，痛快！

還有燒菠蘿，菠蘿燒出來特別清甜多汁，吃點燒生果，感覺無咁Dry。

串燒以外，整份蜆食下，在清酒煮與牛油炒之間，選來了後者。份量比預期中少，勝在充斥牛油香。

吃些甜品吧！朋友話。我肯肯定不會反對。

以梅酒啫喱，同埋綠茶雪糕作結，也是不俗之選，我尤其喜歡前者，很特別。

有人，酒癮大發......

餐廳資料:
Shack Tapazaka
銅鑼灣耀華街1-1A號地下
25556085