食物:$$$$
環境:$$$$
服務:$$$$
無可否認,新蒲崗是個美食雲集的好地方,唯一不便是沒有港鐵站。因此,是日約老饕朋友掃食,就定了這區。
我哋想食:英記的豬油撈麵,三分俗氣既生煎包及煎蛋餅,金寶西多與奶茶,華記甜品,以及呢間…北正宗。
目標是有了,還看我的胃納,爭唔爭氣。
吃過生煎包後 (仲有小籠包、煎蛋餅、乳鴿等等),第二站來到了北正宗,為保留食力,只點選了兩款菜色,加杯飲品,二人分吃。
其一是脆炸蟹肉香葉肉碎米紙球,朋友打趣說:「聽個名都有殺氣!」
呢個米紙球,外表有少許似特大的黃金飯糰,不過,咬落去就是清脆的「咔嚓」聲響,裡頭是填得滿滿的蟹肉、肉碎,還有些香葉等,味道鮮,又惹味,喜歡的話可沾點魚露,吃得我一臉滿足。
再者是椰汁椰青煮蜆,呢味又係不得了,蜆肉飽滿細嫩,靈魂在於醬汁,香而不膩,完全地停不了口,三兩下手勢,只剩下一桌子蜆殼。
若不是太飽,同埋有下場下下場下下下場,來一碗白飯配個汁,必定精彩。
清潤的飲料,是我近期的良伴。
還未吃越式大虎蝦、炒蟹、五花腩肉,乜乜乜,要擇日重賽!
餐廳資料:
北正宗
新蒲崗景福街87號地舖
27806080
要Encore,仲係必要,好得咁wor!
回覆刪除咁其他幾場去到嗎?
堅得!
刪除去到, 不過象徵式食少少咁囉
兩款我都有興趣試呀!
回覆刪除快!
刪除幾時帶我去!
回覆刪除