食物:$$$1/2
環境:$$$1/2
服務:$$$
在本地吃雲吞麵,除了何字頭、麥字派、永華和坤記外,甚少幫襯其他,亦不太清楚外間的水準,到底去到邊。
左麟右李,或許大家都知道,是歌星譚校長與李克勤創立的雲吞麵品牌,若不是剛從信和廣場搬到Holiday Inn Express那邊,我已差點忘記了他 (雖仲有其他分店)。
老老竇竇,總覺得藝人歌星不會專注做飲食,開餐廳也只會是玩玩下,可能是我的偏見吧!
一條友經開附近,肚子有點餓,即管上去領教下佢既雲吞麵。
二話不說,先來一碗細蓉,加籠燒賣,但店員面露不悅,是我點的東西太便宜嗎?
雲吞細細粒,散尾,像金魚一樣,外型非常討好。趕快吃一粒,皮滑,餡料有蝦肉亦有豬肉,味道好。
金絲麵爽口彈牙,無鹼水味,絕不欺場。
麵湯富大地魚香,有韭黃也有蝦籽在陣,濃而不濁,喝得一滴不剩。想不到,呢個品牌的雲吞麵,可以如此出色。
燒賣是我最喜歡的點心之一,這裡的出品,粒粒飽滿,原隻蝦置頂,賣相討好。可是,豬肉餡偏實,亦不甘香,頂頭的蝦雖爽口,卻無咩味,恐怕只屬第三班,難以跑出。
如果可樂是枝裝,會滿足得多。
聽見鄰桌的公公婆婆大讚粥品好綿好好食,看來呢度臝在粥麵師傅。
餐廳資料:
左麟右李
銅鑼灣霎東街33號智選假日酒店1樓
28055000
竟然好好食,有點意外呢
回覆刪除點心唔得架
刪除譚校長有料到喎!
回覆刪除真係估佢唔到
刪除空肚入嚟仲要見到碗雲呑麵,呢舖真係瀨哂嘢啦!
回覆刪除Weekend去唐人街食番碗啦
刪除其實而度就係何字頭呀.... 根本正斗校長都有份咖
回覆刪除