食物:$$$
環境:$$$
服務:$$$
今期流行,相信唔使我多講,大家都會說得出是海鮮丼。什麼豊洲水產、豊勝手丼、爆丼屋,諸如此類,晚晚人龍不絕。不論90後,抑或是中佬中女,人人「丼之無愧」。
然而,一碗海鮮丼,二百幾落樓,確實稱不上便宜。當然,你可以話,一分錢一分貨。
位處灣仔克街的哲平食堂,其版圖早已擴展至新加坡,海鮮丼八十個大洋有交易,即使是加入了帆立貝,也只是九十塊錢,屬海鮮丼的入門版。那麼,他會是半分貨嗎?
一條友,丼癮起,唔想排大隊,遂來哲平食堂,止止癮。
豪一點,選了九州醬油帆立貝特盛,吞拿魚、三文魚、三文魚籽、干貝、螺肉,以及帆立貝,滿滿的蓋著米飯……
吞拿魚與三文魚,無疑是肥美;螺肉和干貝不太韌,但醬油味過份主導,蓋過了一切。再者,三文魚籽的口感未算出色,最有寄望的帆立貝,卻有欠鮮味。
店方好強調,自己的米飯是高品質,但我覺得口感,不似預期。整個海鮮丼而言,很平凡。
惠顧海鮮丼,可樂加$5便到手,出面7仔都唔得啦,即來一罐。
或者,我要去拜訪下爆丼屋,找個非繁忙時間吧!
哲平食堂
灣仔克街6號地下B2號舖
37065108
個樣已經唔得,唔係加左帆立貝,仲以為係照燒XX飯 :P
回覆刪除XDDDD
刪除差d睇咗爆丼屋做爆...房添。^^”
回覆刪除原來今期流行海鮮丼,咁我有排要羨慕啦!
哈哈爆房^0^
刪除笑屎我啦...
刪除