2016年5月28日 星期六

One Minden Tapas Kitchen - 落在西班牙的一角?



食物:$$$$
環境:$$$$
服務:$$$$

直覺,唔知岩唔岩

叫得乜乜壹號的食肆,總會是比較Premium食物有番咁上下水,如南海一號、港灣壹號等。

中菜如是,鬼佬嘢會唔會都一樣?即管試試看位於棉登徑一號的 One Minden Tapas Kitchen,有無驚喜。

跟朋七點左右來到,已有不少老外及西裝友在場飲緊酒食緊小食,氣氛不俗,Tapas Bar本應如此。

  
太腍了


按店員推薦,柯打了些Tapas。多士滿佈新鮮甜美的蕃茄粒,以及少量的風乾火腿粒,味道合適,但多士可以更脆口。

 
有驚喜

另一款小食,豬面頰包,就精彩得多。豬面頰鬆化,肉味濃香,廚子巧妙加入開心果茸,味道很夾,口感更佳。喜歡的話,可自行配上青瓜粒,或者醃洋蔥。其實,就咁食已經很棒。


出色


再來一份八爪魚的小食,賣相花了心思。八爪魚柔軟味鮮唔會好似趙香口膠咁。墊底的是混入了墨汁的薯茸,雖沒有加牛油,但已很滑很美味,絕不是茄以粟米片一路剷來吃吃得一點不剩。



米飯質地很好
兩個人去挑戰Seafood Paella,好彩佢有中與大的Size之分。當然,即使是中既份量,也不會少,否則就失去了Paella的意義了。

米飯質感十分好,夠咬口仍保持「米骨」,而且入口味,單是食飯已是占高的享受。蝦、蜆及魷魚等,也是很新鮮,唯獨是青口,稍嫌太細隻,否則會超級滿足。

 
地道

大廚還會走出來跟客人打招呼問意見,非常好。立即請他幫我們準備兩款甜品,分別是Rice Pudding,以及鬼佬油炸鬼Churros。前者偏甜,味道很地道,Arborio Rice粒粒分明,能嚐到此品,難得。

 
新鮮熱辣

Churros 也是即做,拿上手是熱燙的。鬆脆的口感,沾上濃濃的朱古力醬,蠻精彩的。


滿意的一餐

我既直覺,有時幾準的。


餐廳資料:
One Minden Tapas Kitchen
尖沙咀棉登徑一號地舖
2722 1707

8 則留言: