2016年4月10日 星期日

Kim Chee - 花拳繍腿



食物:$$1/2
環境:$$$
服務:$$$

康怡廣場,雖距家萬里好唔方便但筆者對這裡總有一份情意結。因為曾在這裡打躉過好一陣子所以有時途經港島東,也會心思思前來走走,甚至吃番餐。

山長水遠與老豆去到西灣河辦事,最慘仲要摸門釘,幾乎粗口都爆幾句。唯有吃點東西安下自己,然後才打道回府。

原本太安樓有不少好既選擇,或者百利冰室飲杯奶茶都可以。偏偏我是回到康怡,即使想不到那裡有什麼餐廳我是有衝動去幫襯的。

最終,選擇了三樓的金饍韓國料理。或許大家也知道,這是屬於鴻星旗下的食肆。

  


甫坐下,先上前菜,三小碟咁大把,陣容算幾弱雞,而且有型無神,即使我泡菜也不太合心水落筆打三更。

 

飲品先到,我點的是巨峰梳打乳酪,顏色幾靚,相信許多女士會為此而大呼。然而,乳酪味被消失了。

 
花拳繍腿

還以為中午,唔燒的話來來去去都會是碟頭飯之類。老豆眼利,見檯上貼著推介,芝士蛋熔岩炒飯,就試了。炒飯可選配牛肉,或豬腩。老豆不吃牛,要了後者。

沒多久,店員在我們面前「開壇作法」。他將芝士、蛋漿倒進鐵板,然後撈勻,大玩噱頭。吃時,芝士是濃郁,不過咁樣,真係好漏,同埋粒粒小小的豬腩,帶不出預期的效果。



填肚級數
叫做填飽肚子,可以回家。有些東西,真不能要求太高。

 



餐廳資料:
Kim Chee
太古康山道1-2號康怡廣場北座3樓T1舖
2628 0266

1 則留言: