2016年4月4日 星期一

迎月小菜館 - 麻甩一局



食物:$$$
環境:$$$
服務:$$$

又到左三個麻甩佬去晚飯既時候。我哋呢三劍俠,相識超過廿載,仍定期約出來打波與飯聚巧難得!

幾條麻甩佬食飯,唔使咁講究,大牌檔或者小廚,是我們的勝地。

平時最冇所謂個位,竟提議去迎月小菜館開餐,大概是廿多年來首次,反正沒去過,沒理由唔支持下佢。

星期五晚,八點幾,仍有幾張大檯空出來,或者許多人要趕回家睇愛回家大結局,同埋預備睇亞視熄機。

    
先吃小食


唔講咁多,整份小吃食住先。椒鹽牛脷,牛舌是切粒,口感可以,辣勁不弱,喜歡其加入了翠肉瓜,感覺更健康。

 
有欠肥美

每人一隻蟶子,要豉椒炒。三十二蚊/實惠可惜蟶子未夠肥美,有欠惹味。

 
麻麻地的招牌菜

迎月小炒王,大概是招牌菜吧! 蝦、帶子、腰果、馬蒂及西芹,炒埋一碟,不過,感就是欠缺鑊氣,未如理想。

 
呢味唔錯

最後,來一味豉汁帶子蒸豆腐。帶子起雙飛,鋪在豆腐上。由於夠厚身,所以賣相仍好看,加上味道不俗,是全晚我最欣賞的色。

飯後,去松記食埋糖水,趕回家見證亞視熄機一刻,聽說會有驚喜給觀眾。

點知,俾佢玩埋最後一鑊!

 



餐廳資料:
迎月小菜館
深水埗青山道84號新明閣地下5-6號舖
2116 9518

4 則留言: