2016年3月26日 星期六

海外篇:老巴剎 - 勝地



食物:$$$1/2
環境:$$$1/2
服務:$$

每次出門,那管是公幹,抑或是旅行,總會把握時間食食和食。平時不吃消夜嗎? 這幾天也必會破戒。

唔好意思,有點悶,又係新加坡。星洲消夜勝地之一,毫無疑問,會是老巴剎,呢個愈夜愈精彩的地方。

你唔好話我知去過新加坡,但沒到過老巴剎朝聖呀!
 

熱點
 
相信唔使多介紹,大家也會知道,呢個地方,有室內,也有街頭風味。而吃串燒的話,則一定是在室外。
 
好有風味

外頭有好多檔頭,百家爭鳴,整都街很有氣氛。每檔都會話自己最好食、最正宗,不過,最簡單直接,即觀察那一、兩檔最多人,就去幫襯。個別有些攤檔,真是十分冷清的。

呢度大部份伙記都係搶生意,所以基本上都無咩禮貌,若你買得少的話,有可能會露出不悅面容,甚至轉身就走開。
 
點了不多

這次,同樣地,晚餐已吃得超飽,因此只點了些少的串燒,目的來感受下氣氛而己。

不論你就什麼肉,那串肉其實只很小,但係,始終係炭火即燒,總會是香噴噴,好吸引。
 
好吃

個人幾欣賞串燒蝦,肉質爽口彈牙,蝦頭部份羔香十足,即使很飽,每次也要吃幾隻,才肯收手。
 
椰青一樣掂

呢度有一檔專賣飲品的,拉茶自當是最暢銷,好喝仲有即拉表演,風味滿滿。   然而,由於是日已飲了兩杯奶茶,不能再多,改要個椰青,查實亦清甜,不錯。

是值得來的地方!
 
 
餐廳資料:
老巴剎
18 Raffles Quay, Singapore

 

4 則留言:

  1. 串燒好吸引呀,你幾時燒俾我呀?;P

    記憶中最後一次食街邊嘅炭爐串燒已經係97年嘅事啦!

    回覆刪除