2015年10月25日 星期日

新店速遞:Oui Oui Bistro - 羸了感情分



食物:$$$
環境:$$$1/2
服務:$$$1/2

得知在母校附近,開了一間新Café,門面看似幾吸引,好有動機去嚐試,畢竟筆者是長沙灣人呀!

捉住了難得的機會,跟兩位舊同學 (查實是師兄才對!),打完波後,一起前去晚餐。

店子沒有大灑金錢去裝修設計,一切以簡單為主,牆璧上掛了不同款式的碟子,顯出個人品味。


沒有套餐

原來沒有套餐,要散點的。一份Tapas近百元,有部份甚至過百;主菜二、三百都有,在該區來說,是頗奢華的消費。
 
唔客氣喇
選了兩款小吃、三份主菜,大家些牙食。藍青口肉不算肥美,勝在入口鮮嫩,醮一點茄醬,合格有餘。
 
合格啦
其次是香草牛油焗法國田螺,香氣四溢地出場,肉爽又不會韌韌的,如果可以再厚身些少,就更正斗。
 
有點港式
掃清了桌上的田螺和青口,主菜又係時候登場。先有「是晚精選」,是新西蘭魚柳配茄醬意大利粉。意粉的賣相和味道有點港式,唯魚柳的質感不俗,嫩滑而沒有散開。魚有如此水準,之後D肉咪應該好掂!我在暗喜。
 
可是,我想多了。眼前的澳洲和牛,我們要求Medium Rare,結果出來,似Medium to well done,是很大的失誤。由於過熟,一切已成空。即使在旁的兩粒車厘茄甜美爆汁,也彌補不了多少。
 
過熟了
希望羊架不是這樣吧!我一直在想。然而,事實是殘酷的,羊架犯同一個毛病。此刻,我在懷疑,到底是我們說錯,還是店主落柯打時聽錯呢? 我不太相信廚子會將Medium Rare弄得那麼熟。
 
有水準
廿幾年老友,話題梗係多,單談蘇屋村既轉變都有排講。呷口醇厚的Latte,發表一連串茂論,自當是笑爆肚的一夜。




餐廳資料:
Oui Oui Bistro
長沙灣福榮街512-518號依時大廈地下A舖
2411 1668

4 則留言:

  1. 將D牛羊煮到咁這店命不久已

    回覆刪除
    回覆
    1. 希望佢有進步啦, 佢都有心做既

      刪除
  2. 我都好怕食過熟嘅牛扒,遇到呢D情況,通常會一路食一路暗駡,有時衰起上嚟,真係o趙到第二日瞓醒會牙駮軟架!

    回覆刪除