2015年8月24日 星期一

海外篇:The Cake Shop - 坐低,食件餅




食物:$$$1/2
環境:$$$$
服務:$$$1/2

很多時過大海,節目總是食、食、食,同埋食,吃至肚子爆裂為止,似受罪多於享受。

不過,凡事總有例外。今轉的濠江遊,筆者就有機會,在酒店靜靜的坐低,無拘無束地嘆番個甜美下午茶,享受人生。

其實並不是嘆傳統英式三層架下午茶,只在酒店餅櫃揀選幾款蛋糕,跟朋友們分甘同味,已經足夠。
 


公關朋友推介
 先有公關朋友極力推薦的迷你芝士蛋糕,用叉叉下去便知曉,質感是屬細滑的那種,芝士沒有過份的濃,卻又不會失去蹤影,來得適可而止,加上鬆脆的餅底,確是有水準,值得一試。
 
還好

另一款芝士蛋糕,係藍莓紐約芝士蛋糕。呢一件,芝士味較濃郁,但由於有藍莓在陣,帶出了中和作用,也合心水。

焦糖是阿拔的心水
有阿拔在場,肯定唔會走漏有關焦糖的出品。呢款芒果焦糖慕絲蛋糕,既有焦糖的香甜特性,也因芒果的清新,中和了膩的感覺,不會一件便KO大家。
 
有點格格不入

拿破崙吃不少,大多是芒果,或者係士多啤梨口味,這裡的黑加倫子拿破崙,蠻有趣,孤漏寡聞的我,是首次見識。可是,這款出品,欠缺拿破崙應有的千層口感,黑加倫子的味道,始終有點格格不入,或許是我接受新事物的能力太低。

濃郁
 
作為甜魔一份子,怎樣也不能嚐少了朱古力的系列吧!就來一個朱古力撻。單看樣子,已深明質素唔會差得去邊。咬下去盡是香濃的朱味,配合脆脆的餅底,輸不了。

小朋友吃這個

就這樣,我們便渡過了甜美的下午。
 

餐廳資料:
The Cake Shop
新口岸友誼大馬路956-1110號澳門金麗華酒店2樓
(853)8793 3810

3 則留言:

  1. 好可愛呀! 可惜我唔係weekend去試唔到kid's tea set

    回覆刪除
  2. D甜品好似份量幾大呢,食完都應該可以當一餐!;P

    回覆刪除