2015年7月5日 星期日

The Captain's House - 不勞而獲




食物:$$$
環境:$$$
服務:$$$
 
以前細個食海鮮會敏感,每吃蝦或蟹,即會嘔吐大作,錯過不少美食,總之就好很慘。

直至某一天,已唔記得咩場合,突然好想隻蝦。搏一搏,結果食完無事,從此以後,我要食海鮮食番夠本。

因此,聽到話去The Captain’s House吃海鮮,我立即舉手贊成。
 

解渴
 
大熱天時,排長龍等好幾部Lift才上到來,身水身汗,一杯解渴的fruit punch,來得正合時宜。
 
醬汁是靈魂
 

未食海鮮,先吃薯條,這款粗身香口的波浪薯條,沾上松露沙律醬,筆者吃到停不了口。而另一兜的茄汁,則完全無人理會。
 
不對口胃
 

我點了份鵝肝,可是,火侯控制只屬油麻地,而且外層薄了粉,影響了口感,既缺乏外脆內軟的效果,甘香的味道也欠奉。

 
幾大份
 
再吃蟹餅,份量唔細,外層香脆,蟹肉雖稱不上澎拜,但味道都算合格的。


合格啦
 
單吃海鮮拼盤,太單調,又怕不飽,即管叫一份帶子意粉。意粉都算有點咬口,始終海鮮是這裡的強項,所以帶子水準不錯,配以鮮甜的車厘茄,沒什麼投訴。

選擇困難症要發作
 
千呼萬喚,主角的海鮮拼盤,終於登場。超巨的海鮮盤,看服務生好不容易才捧上桌,絕對浮誇。內容又麵包蟹又波士頓龍蝦,仲有青口、小龍蝦、翡翠螺、扇貝等等,選擇困難症發作是很自然的事吧。想不到,大部份的海鮮,亦蠻有水準,如青口很鮮,龍蝦啖啖肉,麵包蟹唔少羔。

濃郁
 
最後,有甜品拼盤,但是我實在太飽,只淺嚐了朱古力蛋糕,好濃郁,層次都幾好。咖啡焦糖燉蛋,以及香蕉朱古力金寶,也大獲好評,留待下次試好了。

過兩天,筆者又會品嚐中式海鮮宴,甚為期待。


餐廳資料:
The Captain's House
尖沙咀厚福街8號H8 18樓
2366 5600


3 則留言:

  1. 好在依家無敏感,住喺香港食唔到海鮮就唔抵啦! ;P

    回覆刪除
  2. 好彩大個仔冇敏感咋唔係點做食家呀

    回覆刪除