2015年6月19日 星期五

福村日本料理 - 嘆一個下午



食物:$$$1/2
環境:$$$1/2
服務:$$$$

週五的晚上,回到家,老豆話: 「聽日我哋又可以去食好嘢啦!」皆因,老媽子又有約,飛甩左佢。

OK丫!」我話。然後把原本的下午茶約會,推遲一天,同老豆去撐檯腳。

今次吃什麼好呢? 中西日韓星馬泰.. 老豆說想吃日本嘢。有考慮過去半島酒店的ImasaJack少,又有想過香格里拉的灘萬。最終,卻是選來了福村。

準備開餐啦

安頓好後,翻開餐牌睇睇有什麼想吃。筆者好簡單,一心鎖定了燒汁牛舌定食。而老豆嘛,則建議來個三色丼,大家分享。
 
打開胃口
點餐後,奉上的是沙律,各款沙律菜、粟米粒,以及車厘茄,新鮮爽脆,靈魂當然在於那醒胃的日式芝麻醬汁,在炎炎夏日以此作開端,胃口也得以打開。
 
好豐富
大家的定食也要送上來了。講我份先,除了倘大的牛舌飯外,亦有餃子、味噌湯、烏冬,同埋茶碗蒸。相當之豐富,以我既食力,難以將之KO,應該要老豆出口相助。
 
名物
呢個牛舌飯,六片牛舌蓋著圓潤的日本米之上,旁邊以紅椒及露筍作點綴,賣相已經羸晒。牛舌的質感鬆化,夠入味,連同米飯吃,果真不錯。
 

另外,茶碗蒸溫度足,口感滑溜,加埋一小碗的味噌湯,口感煙韌的烏冬,以及味道不俗的餃子,認真飽到上心口。
 
三色
老豆的三色丼,挑了魚生飯、天婦羅飯和咖喱飯,同樣是跟上味噌湯與餃子,豐富程度,似乎比我的更強。
 
鮮味
由魚生飯開始,我只偷試了一件吞拿魚,頗為鮮味。據說其他的各款,也屬新鮮。
 
色水深左少少
天婦羅飯,就蝦、南瓜及茄子天婦羅。色水似乎是深了一點。還幸,我試的一件南瓜天婦羅,也是脆口而甜美。
 
有層次
據老豆所評,三款丼之中,最好的,正是咖喱丼。我也毫不客氣吃了少許。甜中滲出點辣味,開胃之餘,頗有層次,的確不錯。
 
嘆~
以一杯有水準的熱咖啡作結,再繼續下午的活動。


我覺得呢餐都合格既,不過,最緊要都係老豆滿意。


餐廳資料:
福村日本料理
尖沙咀廣東道33號中港城平台(TOWER 3) 02-03舖
2320 6822

6 則留言:

  1. 我見到牛舌嘅大特寫驚到唔敢望,唔好意思,有怪莫怪,細路仔唔識世界。今餐一定係三色丼靚仔D又多元化D呢!:)

    回覆刪除
    回覆
    1. 哈哈哈, 我老豆都唔食牛舌架! 不過我就好Like!

      刪除
    2. 其實我食過,仲覺得幾好味,但真的係好驚見到,所以情願唔食。^^"

      刪除
  2. 24孝乖仔~~~
    希望聽日伯父唔好得閒, 否則你就會甩我了 :p

    回覆刪除